LAOAG CITY – Pinasingkedan ni USec. ti Public Safety a ni Serafin Barreto Jr. nga importante nga agbibinnulig ti gobierno ken dagiti umili iti aniaman a sangsngwen a problema ti pagilian.
Daytoy ket mainaig pay laeng iti agtultuloy a tensyon iti West Philippines Sea.
Segun ken Barreto, masapul a maisayangkat dagiti nagduduma a workshop ken seminars kadagiti lokal a gobierno gapu ta dakkel ti paset da iti kumunidad.
Kunana a masapol nga ammu da dagiti plano ken addang ti gobierno national iti West Philippine Seam ken mapakdaaran dagiti residente.
Inpaganetgetna nga importante a protihiran ti soberanya, nangruna dagiti mangalap a Pilipino.
Iti met biang dagiti local officials, kinuna ni Mayor Albert Chua iti ciudad ti Batac a sisisuporta da iti plano ti National Security Council, gapu ta saan laeng a nakapokus daytoy iti proteksyon iti soberanya ti pagilyan no di ket mangprotihir pay kadagiti mangalap a Pilipino.
Kunana a no maawanan ti panggedan dagiti mangalap ket kakaasi da isu a napintas ti gagem ti National Goveernment a mangitadudo kadagiti wagas tapno maprotihiran ti panggedan dagiti mangalap.
Patien met ni ABC Pres. Virgilio Calajate iti ili ti Badoc a makatulong ti indasar ti National Government a 7-point agenda iti pannagprotektar dagiti kabaybayan ditoy pagilyan, nangruna kadagiti coastal barangay.
Mangnamnama pay isuna nga iti babaen ti liderato ni Pres. Bong Bong Marcos ket maikkan ti napinpintas nga atensyon dagitoy tapno ti kasta ket matagibeen ken maitultuloy ti pagsayaatan ti pagilyan.
