LAOAG CITY – Inbatad ni Mrs. Marilyn Vergara, chief specialist iti Philippine Statistics Authority (PSA) ditoy Ilocos Norte a saan a rumbeng nga ipopost iti social media ti National ID.
Inlawlawag na a no maala wenno ma-scan ti ID ket possible a makita aminen dagiti napapateg nga impormasyon ti agtagikua.
Daytoy ket gapu ta ti ID ket adda ti fingerprint ti agtagikua ken dadduma pay a mabalin nga usaren ti sabali iti illegal a transaction.
Inbalakad na a no bilang maamoan nga adda ti naka-scan iti ID ket masapol nga ireport a dagus iti opisina da tapno macancel wenno masukatan ti numero a maited iti baet a daytoy ket tungpal biag koma nga usaren.
Kabayatanna, nagpadispensar ni Vergara gapu ta saanda a nagun-od ti traget da a maparehistro koma para iti National ID ditoy probinsya.
Inpakaammo na a 140 a registrants ti target da koma a maparehistro agingga idi bolan ti Agosto ita a tawen ngem nasurok pay laeng a 80 ribo dagiti nakarehistro gapu iti pannakaipatungpal ti ECQ ken MECQ ditoy probinsya.
