LAOAG CITY – Bimmisita ni Senador Bong Go kadwa na ni Sen. Imee Marcos, DSWD Sec. Rolando Bautista ken Agriculture Sec. William Dar ditoy probinsya tapno mangipaay ti tulong kadagiti nadidigraan ti naglabas a Bagyo Ineng.
Karaman pay kadagiti bimmisita ket dagiti aktor a da Robin Padilla ken Philip Salvador ken kinantaan da dagiti tattao ditoy ciudad ti Laoag kangrunaan na idiay Metro Gabu.
Inkari pay ni Go a mangipatakder ti Malasakit Center ditoy Ilocos Norte. Segun kenni Go, gagem ti nasao a pannakaipakatakder ti Malasakit Center a matulungan dagiti umili ditoy probinsya a saan na a kabaelan ti agpaagas.
Ummuna iti daytoy, umaboten ti nasurok maysa a bilyon a pisos ti balor dagiti nadadael ditoy probinsya gapo iti bagyo.
Basar ti report ti PDRRMO, umabot iti nasurok 998 milyon a pisos iti imprastraktura idinto a 46 milyon a pisos iti agrikultura.
Nanayaunan pay ti bilang dagiti barangay a naapekataran nga umabot ti 170, ken 9,873 a pamilya wenno 41, 618 nga indibidual.
