LAOAG CITY – Balligi a naiwayat ti National Rally for Peace ti Iglesia ni Cristo iti Quirino Stadium idiay Bantay, Ilocos Sur.
Segun ken ni Mrs. Juliet Tomas, maysa kadagiti miembro ti Iglesia ni Cristo, adda pay dagiti sumagmamano a miembro ti nag-overnight iti mismo venue ti nasao nga aktidad.
Inlawlawagna a nagipatakder dagitoy ti tent iti asideg ti lugar tapno saanda a maladaw iti panagatendarda iti nadakamat a rally.
Inbatadna a ti naisayangkat nga aktibidad ket nangrugi iti oras ti alas otso ti bigat agingga iti alas kuatro ti malem.
Kunana nga adda pay dagiti naka-standby a kameng ti Rescue Team ken Medical Team iti aglawlaw ti venue tapno maipasigurado a natalged amin dagiti napan nagatendar.
Innayonna a nagbalin a naannayas ti pannakaiwayat ti National Rally for Peace a nakipasetan dagiti naruay a miembro ti Iglesia ni Cristo manipud kadagiti nagduduma a probinsia ti rehion uno.
