LAOAG CITY – Ibilang ti National Security Council dagiti pangta iti biag ni Presidente Ferdinand “Bong Bong” Marcos Jr. kas seryoso nga isyu iti nailyan a seguridad
Daytoy ket kalpasan nga inbatad ni Vice President Sara Duterte nga adda binilin na a mangpapatay kada Presidente Marcos, First Lady Liza Araneta-Marcos ken House Speaker Martin Romualdez no inkaso nga adda mapasamak a saan a nasayaat kenkuana.
Segun ken ni National Security Adviser Eduardo Año, makibinbinnulig ti National Security Council kadagiti law enforcement ken intelligence agencies nga agimbestigar iti nasao a banag.
Binalakadan pay ni Año ti publiko nga agtalinaed a kalmado gapu ta posible nga adda dagiti maangay a rally.
Immuna iti daytoy, binilin metten ni Police General Francisco Marbil ti Criminal Investigation and Detection Group (CIDG) a mangisayangkat ti naig-get nga imbestigasyon maipapan iti saytoy.
