LAOAG CITY – Ibilang ti National Task Force to End Local Communist Armed Conflict (NTF-ELCAC) ti impeachment call ti Makabayan Bloc kontra ken ni Bise Presidente Sara Duterte kas political opportunism para iti .
Segun kenni National Security Council (NSC) Assistant Director General Jonathan Malaya, umanamongda ken ni Presidente Ferdinand Marcos Jr. a ti impeachment ket apektaranna laeng dagiti isyu ti pagilian.
Maibilang pay daytoy a wagas a manggun-od ti political mileage sakbay ti 2025 midterm elections.
Kinuna pay ni Malaya, saanda nga ipalubos ti aniaman a gandat ti kinaranggas ditoy pagilian.
Ngem imun-una ngem iti daytoy, rinugianen ti Makabayan Bloc ti nagkolektar iti pirma iti Kamara tapno matungpal ti requirement a one-third dagiti kongresista ti masapul tapno maituloy ti impeachment complaint a naipila kontra ken ni VP Sara Duterte iti Senado.
