LAOAG CITY – Dakkel a tulong para kadagiti Micro Small and Medium Enterprises ditoy probinsia dagiti maisaysayangkat a National Trade Fair.
Segun ken ni Mrs. Amelia Galvez, Provincial Director ti Department of Trade and Industry, nakipagpaset dagiti babassit a negosiante iti National Trade Fair a naisayangkat idiay Metro Manila iti kallabes.
Inbatadna a babaen iti daytoy ket makaam-ammoda kadagiti aggatang manipud iti intero a pagilian kas kadagiti institutional buyers ken exporters.
Inlawlawagna a dakkel daytoy nga oportunidad kadakuada tapno maitandudo dagiti maipagpanpannakkel a nagduduma a bukud a produkto dagiti Ilokano.
Innayonna nga adda ti pito a Micro Small and Medium Enterprises manipud ditoy probinsia ti nakipagpaset iti nasao nga aktibidad.
