LAOAG CITY – Manarimaan ti pannakaiyuswat ti Nationwide National Simultaneous Mastering of Troops ti 101st ready reserve infantry batallion iti Bacarra National Comprehensive Highschool iti ili ti Bacarra.
Inbatad ni Lt. Col. Ericson Bolusan, mangidadaulo ti reserve forces dito probinsya a ti nasao nga aktibidad ket paset iti panangsurot ti programa a reserve force development.
Kuna na a babaen iti daytoy, masigurado a nakasagana ti pwersa ti reservist nu kasapulan.
Mainaig iti daytoy, inpakaammo ni Bolusan a malaksid iti manarimaan nga aktibidad ket agtultuloy dagiti training a maiyus-uswat iti 101st training defense center kas iti platoon education training.
Naamoan a kaaduan a partisipantes ket dagiti opisyal ken enlisted personnel ti 101st ready reserve infantry batallion.
