LAOAG CITY – Idaulwan ti Department of Education (DepEd) ti nationwide school safety drill intono Agosto 25.
Ti nasao nga addang ket kalpasan ti napasamak a pammaltog iti maysa a pagadalan iti ciudad ti Zamboanga.
Gagem daytoy ket tapno mapapigsa ti seguridad ken dagus a malapdan ti aniaman a kinadamsak kadagiti pagadalan.
Immunan nga inbatad ni Palace Press Officer Claire Castro a gapu iti napasamak ket gagem da a tingitingen manen ti security situation ken dagiti agdama a maipatpatungpal a panangpaiget kadagiti pagadalan.
Innayon na a ditoy a makita no ania pay dagiti kasapulan a baliwan wenno nayunan iti agdama a maipatpatungpal a panangipaay ti seguridad.
Kuna na pay a nakasagana da a mangipaay ti nayun a pondo tapno mapaigetan ti security operations kadagiti pagadalan.
