LAOAG CITY – Kinumpirmaran ti North Atlantic Treaty Organization (NATO) ti panangipatulod ti North Korea ti soldado da iti Russia.
Inbatad ni North Atlantic Treaty Organization Secretary General Mark Rutte, nakumpirmaran na laeng daytoy kalpasan ti pannakitaripnong na kadagiti opisyal ti security and defense ti South Korea.
Innayon na a ti nagbalin nga addang ti North Korea ket mangipakpakita ti nakarkaro a tensyon iti nasao a lugar.
Immunan a naglikudan ni Russian President Vladimir Putin ti report nga adda dagiti soldado ti North Korea nga innala na tapno tumulong kadagiti tropa da a manglaban ti Ukraine.
