LAOAG CITY – Inadmitir ti North Atlantic Treaty Organization a madanaganda iti panagbisita ni Russian President Vladimir Putin idiay North Korea.
Inbatad ni North Atlantic Treaty Organization Chief Jens Stoltenberg, sipod pay idi ket ammodan ti potensial a mapasamak a tulungan ti North Korea ti Russia iti panangraut idiay Ukraine.
Inlawlawagna nga agtultuloyda a nakabantay maipapan iti panagsarita dagiti dua a lider.
Inpasingkedna nga adda ti addang nga ar-aramidenda tapno naan-anayen a malpasen ti sumurok dua a tawen a gubat iti nagbaetan ti Ukraine ken Russia.
Maipalagip a bimmisita ni Putin idiay North Korea kalpasan iti uneg ti 25 a tawen.
