LAOAG CITY – Nagreklamo ti maysa a residente iti Brgy. Daquiaog idiay ili ti Marcos seknan iti saan da madallayasatan a rangtay gapu iti pannakatubutob na.
Segun kenni Brgy. Kagawad Mariano Battulayan, residente iti nasao a barangay, dakkel a parikot dagiti residente ti natubtob a rangtay gapu ta awan ti pagnaan da a dumalyasat iti karayan.
Gapu iti daytoy, marigatan dagiti residente nga agidallyasat ken mapan agitulod kadagiti annak da a mapan agbasa iti kada bigat gapu ta awan ti naipan a DETOUR iti lugar no diket bassit laeng ti naipan a dalan ti tao.
Inbatad ni Battulayan nga imbes kuma a masapa da a mapan makipagtrabaho ket saandan a makaapan gapu iti nasao a banag.
Mainaig iti daytoy, inlawlawag ni Architect Ignacio Agustin a saan da pay nalpas ti maar-aramid a rangtay gapu ti dakes a paniempo.
Inpasingked ni Agustin a no pumintas ti paniempo ket ituloy da manen ti agtrabaho ti nasao a rangtay.
Nupay kasta, kunana a mabalin a mapan dagiti maseknan iti diversion road iti Brgy. Fortuna tapno makalasat dagiti motorsiklo da ken malakaan da nga agitulod kadagiti annak da iti pagadalan.
