LAOAG CITY – Inpakaammo ni PCapt. Michael Permison, ti chief of police iti PNP Currimao a natukkol ti iti akin kannawan a saka ti babai nga agtawen ti 23 a residente iti Brgy. Paltit iti ili ti Badoc.
Daytoy ket kalpasan a natupakan iti sanga ti kayo ti acacia a naspak gapu iti napigsa nga angin iti paset ti Brgy. Maglaoi iti ili ti Currimao.
Segun ken ni Permison, agawid ti biktima manipod iti trabaho na iti siudad ti Batac idin ta narana na ti pannakaspak ti sanga rason a natupakan daytoy.
Iti agdama ket nagtalinaed iti Mariano Marcos Memorial Hospital and Medical Center iti siudad ti Batac ti biktima para iti pannakataming na.
