LAOAG CITY – Natukkol ti akinkannigid a saka ken ima ti maysa a lalaki kalpasan ti pannakadungpar ti owner type jeep iti inturong na a kimkok 125 a motorsiklo iti nagbetngan ti Rizal St. Ken Panganiban St. ditoy siudad ti Laoag.
Ti biktima ket agtawen ti 35 ken residente iti Brgy. 29 Sto. Tomas ditoy siudad idinto a ti nangiturong ti nasao nga owner type jeep ket agtawen ti 81 ken residente iti Brgy. 9 ditoy siudad.
Basar iti imbetigasyon dagiti otoridad, agpadpadaya a direksyon ti motorsiklo idi ta nakasinnabat na ti jeep a kellat a nagleft-turn a sumrek iti panganiban street rason a nadungpar na ti motorsiklo ken naipasiruk pay iti jeep.
Iti agdama ket nagtalinaed iti Governor Roque Ablan Senior Memorial Hospital ti biktima para iti pannakataming na.
