LAOAG CITY – Nailako iti auction iti balor a $336,000 wenno katukad ti nasurok P16-milyon ti naudi a warm-up jacket nga insuot ti pimmusay ni Kobe Bryant.
Ti nasao a jacket ket insuotna iti laban ti Los Angeles Lakers ken Utah Jazz idi Abril 2016 no sadinno nakairekord daytoy ti 60 points iti Staples Center.
Basar iti SCP Auctions a dumanon iti 35 bidders ti nagkainteres iti nasao a jacket.
Ti gold adidas jacket a size XL ket makita dagiti patches dagiti awards a nagun-od ti Los Angeles Lakers pakairamanan dagiti 16 a kampeonato.
Maipalagip a sipod idi pimmusay ni Bryant idi 2020 gapu iti panagsuek ti helicopter a nagluganna kaduana ti anakna a ni Gianna ken pito a dadduma pay ket ngimmato ti presio dagiti ramit daytoy.
