LAOAG CITY – Nasinga iti navigation system ti eroplano a nagluganan ni European Union Chief Ursula von Der Leyen gapu iti maipagarop a Russian GPS jamming.
Segun iti pannakangiwat ti European Commission, napasamak ti “GPS jamming” idi dandanin makadanun ti eroplano a nagluganan ti Commission president idiay Bulgaria.
Iti baet ti napasamak ket natalged a nagdisso ti eroplano ti nasao a pagilian.
Mainaig iti daytoy, kinumpirmaran ti gobierno ti Bulgaria a kabayatan ti flight ti grupo ni von der Leyen ket na-neutralize da ti signal ti satellite a mangipatulod ti impormasion iti sistema ti nabigasion ti GPS ti eroplano.
Kabayatanna, inpetteng ti pannakangiwat ti Kremlin a ni Dmitry Peskov nga awan ti kinapudno na ti nasao nga impormasion.
