LAOAG CITY – Inaprobaran ti Senado iti maikatlo ken maudi a pannakaibasana ti Senate Bill No. 2928 a gagem a nayonan ti bed capacity ti Philippine General Hospital (PGH) manipud iti 1,334 agingga iti 2,200.
Daytoy ket tapno maliklikan ti panagdudupudop dagiti pasiente iti ospital tapno mapasayaat pay ti healthcare services para kadagiti Pilipino.
Inbatad ni Senador Christopher “Bong” Go a masapol a mapapintas ti kapasidad ti Philippine General Hospital tapno makaipadanon ti napintas a serbisio medikal kadagiti marigrigat a pasiente.
Kunana a ti nasao nga ospital ket maysa nga institusion para kadagiti umili nga agbirbirok ti libre ken de-kalidad a serbisio medikal ken iti tulong ti nasao a linteg ket ad-adun a pasiente ti matulungan.
