LAOAG CITY – Nangipeksa ti naiget a suporta ni Navotas Representative Toby Tiangco para iti kanayonan a cash aid ti Department of Social Welfare and Development (DSWD) para kadagiti masikog ken dagiti ina nga addaan ti annak nga agtawen ti dua ken agpababa no sadinno nga inpettengna ti kinapateg ti salun-at ti ina ken anak iti umuna a maysa a ribu nga aldaw iti panagbiagda.
Dinakamat ni Tiangco a ti F1KD program ti DSWD ket maiyataday iti inkari ti administrasion a labanan ti panagbisin ken malnutrision.
Iti babaen ti programa, maipaayan ti binulan nga health grant a ₱350 dagiti babbai a benepisiario ti 4Ps a masikog ken dagiti addaan ti anak nga agtawen ti dua ken agpababa.
Kunana nga agarup 80 a ribu nga ina ti makaawat ti binulan nga ayuda a dakkel a tulong tapno agbalin a nasalun-at ti panagsikog agingga nga agpasngayda.
