LAOAG CITY – Ginutigot ti Commission on Human Rights (CHR) ti gobierno nga ipangato ti daily food ken medicine allowances kadagiti persons deprived of liberty (PDLs) tapno maipasigurado ti kasasaad ti panagbiag dagitoy.
Inrakurak ti Commission on Human Rights ti naiget a suportana iti gagem ti Bureau of Jail Management and Penology’s (BJMP) nga ipangato ti P70 daily food budget ken P15 medicine budget para iti tunggal balud.
Ti daily allocation ket nagtalinaed a saan a nagbalbaliw sipod idi 2022.
Inlungalong ti Bureau of Jail Management and Penology’s ti maysa a daily food budget a P100 ken medicine budget ti P30 iti kada balud.
Iti panangsuporta iti gakat ti Bureau of Jail Management and Penology’s, dinakamat ti Commission on Human Rights ti Artikulo 7 ken 10 (Part III) ti International Covenant on Civil and Political Rights (ICCPR) a mangibagbaga a dagiti balud ket rumbeng a matrato ti makatao ken addaan ti panangrespetar para iti dignidad ti maysa nga indibidual.
Nailanad pay ditoy a minandar ti Artikulo 10 a ti correctional systems ket nasken a dinisenio tapno i-rehabilitate ken tumulong iti reintegration dagiti balud.
