LAOAG CITY – Insubmitiren ti PNP-Laoag dagiti innem a pedaso ti “cotton swab” a nausar iti panakdalos ti bunganga dagiti dua a “bottled water” a narekubre iti natakawan a paglakwan ti konstraksiyon a kukua ni Atty. Kalvin Henson Chua Pascual, iti Brgy. #51-A, Nangalisan, Laoag City iti Ilocos Norte PNP Crime Laboratory Office para iti DNA examination.
Segun ken ni P/Insp. Norman Pentang, Hepe ti investigation Sectioon tiPNP-Laoag, paset daytoy ti agtultuloy nga imbestigasyon nga iwaywayat da.
Agpapan met ita ket awan pay dagiti maitudo a suspek iti nasao a panagtatakaw iti laksid nga addan dagiti maibilang a persons of interest.
Kuna ni Pentang a naipadalan met aminen dagiti empleyado ti eksaminasyon dagiti ramay da.
Maiyur-uray laeng ti resulta dagiti nasao nga eksaminasyon.
Maipalagip nga idi Marso 22 ket sinerrek dagiti mannanakaw ti pasdek negosyo ni Pascual babaen iti panagaramid da ti tunnel a nakaitarayan ti agarup 100 a ribo a pisos ken 200 a ribo a pisos a balor dagiti remyantas.
