LAOAG CITY – Manamnama a maipaay ita a bolan ti nayun a sweldo dagiti mangisursuro.
Basar daytoy iti Executive Order 64 a pinirmaan ni Presidente Ferdinand Marcos Jr. idi Agosto 2, 2024.
Iti budget hearing ket inbatad ni Education Sec. Sonny Angara nga adda ti instruction ti Department of Budget and Management (DBM) a mabalin nga usaren dagiti ahensya ti gobierno t savings da tapno maipaay a dagus ti nayun a sweldo dagiti maseknan nga empleado ken masukatan laengen daytoy.
Kuna met ni Department of Education Under secretary Analyn Sevilla a tallo a rehiyon ti nakaipatungpal ti salary differential, lima a rehiyon ti nangiparuk-aten ti partial payments, ken ti nabatbati ket adda paylaeng iti proseso.
Karaman a maawat dagiti mangisursuro ket ti retroactive increase para iti bolan ti Enero agingga iti Agosto ita a tawen.
Kabayatanna, rinugyan metten ti Cordillera Administrative Region (CAR), Region 7 (Central Visayas), Region 10 (Northern Mindanao), ken Region 11 (Davao Region) ti partial release ti Notice of Official Salary Adjustment (NOSA) da.
