LAOAG CITY – Manamnama nga agsublin ti NBA idiay China inton sumaruno a tawen.
Daytoy ti umuna a gundaway nga isayangkat ti NBA dagiti ay-ayam idi 2019.
Daytoy ket kalpasan a nakanselar ti ay-ayam idiay China gapu iti tweet manipud iti general manager ti Houston Rockets a ni Daryl Morey a supsuportaranna ti pro-democracy protest idiay Hong Kong.
Iti baet nga inikkat ni Morey ti tweet ken nag-sorry daytoyen ngem nagdesision latta ti China a saan nga isayangkat dagiti ay-ayam ti NBA iti pagilianda.
Nalatak ti basketball idiay China a dakkel ti nagbalin a lugi ti NBA idi saan a naipabuya ti basketball kadagiti telebision iti nasao a pagilian.
Inbatad ni deputy commissioner Mark Tatum nga addaan ti dua nga ay-ayam ti Brooklyn Nets ken Phoenix Suns iti Sand’s Venetian Arena idiay Macau inton Oktubre 10 ken 12, 2025.
Naammoan a ti Macau ket special administrative region iti babaen ti “one country, two system” framework ti China.
