LAOAG CITY – Inrakurak ni NBA Star Derrick Rose nga agretiron daytoy iti panagay-ayam iti basketball.
Iti online account-na ket ditoy nga inrakurakna ti nasao a banag.
Inbatad ti nabirngasan kas kaubingan a Most Valuable Player ti NBA a panawenen nga isuna ket agretiro iti uneg ti 16 a tawen a basketball career.
Iti tawenna a 22 ket nagbalin nga MVP daytoyen idi nagun-odna ti rekord a kaubingan nga MVP iti pakasaritaan ti NBA.
Isuna pay ti nagbalin a number 1 overall pick ti 2008 NBA draft ti Chicago Bulls ken leagues MVP idi 2011.
Nagbalin a rookie of the year isuna idi 2008-2009 para iti Bulls ken MVP ti dua a season kalpasan ti All-Star selection iti tallo iti umuna nga uppat a season.
Tawen 2012 idi naoperaan isuna ti tumeng a nangitunda ti saanen a nakaay-ayam ti dua a season.
Malaksid iti Bulls ket nagay-ayam pay isuna ti New York Knicks, Detroit Pistons, Minnesota Timberwolves, Cleveland Cavaliers ken Memphis Grizzles.
Dumanon iti 24 a games iti Grizzles iti napalabas a season no sadinno a napateng kenkuana ti koponan gapu ta ditoy a nagay-ayam idi kolehio pay laeng.
