LAOAG CITY – Inbutaktak ni National Bureau of Investigation (NBI) Director Melvin Matibag iti impeachment court nga adda imimbestigaranda a person of interest (POIs) a mabalin a mangitudo iti hitman ni Vice President Sara Duterte a mangpapatay ken ni Presidente Ferdinand Marcos Jr., First Lady Lisa Marcos, ken ni dati a House Speaker Martin Romualdez.
Iti panagtestigona iti maika-walo nga aldaw ti panangusig ti impeachment trial, inbatad ni Matibag nga adda ti imon-monitor-da a person of interest (POIs) a mabalin nga hitman ngem saanna nga innaganan daytoy.
Kuna ni Matibag a no ibutaktakna ti nagan ti nasao a POI ket mabalin a makompromiso ti imbestigasionda ken mabalin a mairisgo dagiti infomants ken assets iti ground a mangipaay ti human intelligence.
