LAOAG CITY – Kinontra ti National Bureau of Investigation (NBI) ti nagbalin a rakurak ti 18 a marino a nagusarda ti air taxi flight tapno ag-deliver ti maleta a naglaon ti kuarta iti pagtaengan ni Presidente Ferdinand Marcos Jr. ditoy Ilocos Norte.
Inbatad ni National Bureau of Investigation Chief Atty. Melvin Matibag nga awan ti naalada nga aniaman a flight logs tapno mangipaneknek nga in-deliver ni dati nga Ako Bicol Partylist Rep. Zaldy Co ti kuarta.
Sipud pay idi 2023 ken 2025 ket tingtingitingenen ti National Bureau of Investigation dagiti flight record ken awan ti nakitada nga aniaman a flight ni Co ken sumagmamano nga opisial.
Immunan nga inrakurak ni Sgt. Belnard Tube nga intugot isuna ni Co tapno agbiahe ditoy Ilocos Norte ken i-deliver ti maleta nga adda ti nagianna a kuarta iti Presidente.
Ti National Bureau of Investigation ket isu ti nadutokan tapno imbestigaran dagiti inbutaktak ti 18 a marino nga adda ti naruay a maleta nga inpaayda kadagiti nagduduma nga opisial ti gobierno pakairamanan ni Presidente Marcos Jr.
