LAOAG CITY – Kinumpirmaran ni National Bureau of Investigation (NBI) Director Jaime Santiago nga awan ti pagibasaran tapno ibalud ti drug war whistleblower a ni dati a police colonel Royina Garma a nakasarita na idi weekend.
Inlawlawag na a pudno nga adda ti warrant kontra ken ni Garman gem daytoy ket iniysu paylaeng ti kongreso idi 19th Congress isut gapuna nga awanen ti bisa wenno expired daytoyen gapu iti agdama ket addan iti 20th Congress.
Innayon na a saan da a mabalin a tiliwen ken ibalud ni Garma gapu ta iti pananginspeksyon na ti criminal records ket awan ti aktibo a warrant of arrest kontra kenkuan isut gapuna a ti laeng aramiden da ket imonitor ken siguradwen ti seguridad na.
Immunan nga inadmitir ni Santiago a nakipagkita ken ni Garma iti NAIA sakbay a nagbiyahe a nagturong idiay Malaysia.
Ni Garma a nangibutaktak ti maipagarop a “reward system” iti drug war ni dati a President Rodrigo Duterte ket nagtalinaed laeng ti agarop 24 nga oras kalpasan a nakasubli ditoy Pilipinas
Segun ken ni Santiago, pimmanaw ni Garma ditoy Pilipinas ken nagturong idiay Amerika idi Nobyembre ti napalabas a tawen tapno agkiddaw ti asylum, ngem saan a naaprubaran ti aplikasyon na.
Innayon na nga inpeksa ni Garma ti panagamak na para iti seguridad na ditoy Pilipinas.
