LAOAG CITY – Idasar ti House prosecution panel dagiti opisial ti National Bureau of Investigation (NBI) ken House of Representatives kas umuna a testigo iti panaglukat ti impeachment trial ni Vice President Sara Duterte inton bigat, Lunes, Hulio 6.
Karaman kadagiti testigo ket isuda NBI-BARMM Regional Director Jeremy Lotoc, NBI Senior Agent John Mark Calilung, ken House Legislative Security Bureau Executive Director Capt. Belinda Bello.
Paneknekanda ti alegasion mainaig iti Article I ti impeachment no sadinno a daytoy ket ti maipagarup a grave threat ken assassination plot kontra ken Presidente Ferdinand Marcos Jr., First Lady Liza Araneta-Marcos, ken dati a House Speaker Martin Romualdez.
Segun ken ni House prosecutor Rep. Joel Chua a ti panag-authenticate dagiti video iti mapasamak ken ti napigsa nga ebidensia ket ti mismo a threat iti video.
Manamnama pay a matalantan ti uppat a naitantan a mosion, pakairamanan ti pannakalukat ti karton a naglaon ti tax records da VP Duterte ken ti asawana a ni Atty. Manases Carpio. Kayat ti depensa a malukatan daytoy iti executive session laeng ngem saan nga umanamong ti prosekusion.
