LAOAG CITY – Manarimaan ti agtultuloy nga imbestigasion ti National Bureau of Investigation (NBI) no adda pay ti sabali a biktima wenno na-target nga opisial ti gobierno ti grupo nga adda iti likod ti naduktalan a honeytrap ken sex scandal plot kontra ken ni Executive Secretary Ralpth Recto.
Segun ken ni NBI Director Atyy. Melvin Matibag, adda ti naipatulod a subpoena ken ni Batangas 1st District Representative Leandro Leviste ken ni dati a Congressman Jing Paras a nairaman iti isiyu.
Ngem inlawlawag ni Matibag a saanda nga ideklarar nga adda kinagpaysuanan ti pammabasol kadagiti dua gapu ta dumalan daytoy iti due process.
Kabayatanna no mapaneknekan ti NBI a pammabalin laeng ti talent manager ken nakontrata nga 4 a babbai, tulungan ti ahensia da Leviste ken Paras iti umno a pagsungbatan dagitoy.
Daytoy ket gapu iti inbatad ti talent manager a kinasarita dagitoy ni Paras tapno allukoyen dagiti 4 a babbai nga agpammarang a pinuersa dagitoy ni Recto nga agusar ti illegal a droga ken mangaramid iti sensitibo nga aramid kenkuana kasukat ti sag-P1M ken ni Leviste ti maipagarup a financer-na daytoy nga insigida met a naglikudan ti dua a kampo.
