LAOAG CITY – Awan ti nangatngato ngem iti linteg.
Daytoy ti inpetteng ni National Bureau of Investigation (NBI) Diretor Judge Jaime Santiago kalpasan a nagpila da ti reklamo kontra ken ni Vice President Sara Duterte.
Inpetteng ni Santiago a ti panagpila da ti reklamo kontra ken ni Vice Presidente Duterte ket saan a gapu iti posisyon na no di ket gapu ta nakaaramid ti krimen.
Rakurak daytoy ni Santiago kalpasan ti akusasyon ni dati a presidential legal counsel Salvador Panelo a maipagarop nga ihar-harass ti National Bureau of Investigation ti Bise Presidente.
Inpagenetget ni Santiago a ti National Bureau of Investigation ket “neutral, impartial ken apolitical.”
Maipalagip nga idi laeng miyerkules ket nagpila ti National Bureau of Investigation iti Department of Justice ti reklamo nga inciting to sedition ken grave treaths kontra iti bise presidente seknan iti pangta na kada Presidente Ferdinand Marcos Jr., First Lady Lisa Araneta-Marcos ken ni House Speaker Martin Romualdez.
