LAOAG CITY – Inbatad ni National Bureau of Investigation (NBI) Director Melvin Matibag nga asidegen a malpas ti panagimbestigar ti ahensia iti maipagarup a plot ken ni Executive Secretary Ralph Recto.
Kinuna ni Matibag a mabalin a rummuar ti NBI nga addaan iti resolusion maipapan iti maipagarup a “honeytrap” scheme inton sumaruno a lawas.
Immunan a nangipaulog ti NBI iti subpoena kada Batangas Representative Leandro Leviste, dati a mammanday-linteg a ni Jacinto Paras, ken uppat nga abogado.
Nagparang ti kampo ni Leviste iti sanguanan ti bureau no sadinno a naglikudan da ti pannakairamanda iti maipagarup a plot, idinto a kinuna ti kampo ni Paras a boluntario nga inasitgan ida ti maipagarup a talent manager tapno agtestigo ken agkiddaw iti tulong iti pannakaisurat ti affidavit.
Maipalagip a ng-resue dagiti ahente ti NBI ti sumagmamano nga indibidual bayat ti entrapment operation, kinunada nga nagkiddaw kadakuada ni Paras a maipaayanda ti gunguno tapno makaaramidda iti estoria ken agpirma iti affidavit. Maawatda ti bayadda iti installment bayat ti panagtultuloy ti kaso.
