LAOAG CITY – Nakaawat ti National Bureau of Investigation (NBI) ti baro a dashcam footage nga ikonsiderar da a “substantial” iti manariman nga imbestigasyon iti pannakatay ni dati a Department of Public Works and Highways (DPWH) undersecretary Maria Catalina Cabral.
Mabuya iti footage a nakatugaw ni Cabral iti concrete pavement iti nagbaetan ti safety barriers idi Disyembre 18, 2025.
Segun ken ni NBI spokesperson head agent Palmer Mallari, mabalin a daytoyen ti naudi a nakita a sibibiag ni Cabral, ken makita pay iti footage nga awan ti kadwa ti dati nga opisyal ken awan pay ti lugan na iti lugar.
Inbatad ti NBI a ti posisyon ni Cabral ket arigna isu ti oras a panagtapwak na iti baba ti derraas iti paset ti Kennon Road idiay Tuba, Benguet.
