LAOAG CITY – Nakasaganan a mangipaay ti National Bureau of Investigation (NBI) a mangipaay ti seguridad iti panagatendar ni dati a Negros Oriental representative Arnolfo Teves Jr. iti arraignment-na.
Daytoy ket kalpasan nga inkeddeng ni Manila Regional Trial Court (RTC) Branch 12 Judge Renato Enciso ita nga aldaw ti arraignment ken pre-trial conference gapu iti kaso nga iligal possession of firearms and explosives.
Inbatad ni National Bureau of Investigation Director Jaime Santiago nga iyur-urayda met ti pammilin ti korte kalpasan a nangipila ti abugado daytoy a ni Atty. Ferdinand Topacio a no mabalin ket agatendar laeng ni Teves iti online hearing.
Naammoan a sumagmamano a kameng ti National Bureau of Investigation ti nakasaganan tapno itulod ni Teves manipud iti National Bureau of Investigation facility iti Bureau of Corrections compound idiay Muntinlupa City nga agturong idiay Manila RTC.
Iyur-uray ti National Bureau of Investigation dagiti commitment orders manipud iti innem a korte nga agig-iggem iti kaso ni Teves.
Immunan a nangiruar ti commitment order ti Manila RTC Branch 12 no sadinno nga adda ti pammilin a maipan ni Teves idiay Manila City Jail.
Agdudua met ni Santiago a mabalin a maikkan ti temporary release ni Teves gapu ta kaaduan kadagiti kaso a sangsangoenna ket non-bailable.
