LAOAG CITY – Target ti National Bureau of Investigation (NBI) nga ileppas iti uneg ti tallo agingga iti uppat a lawas ti imbestigasyon da iti anomalya iti 2019 Southeast Asian (SEA) Games.
Inbatad ni National Bureau of Investigation Director Melvin Matibag a dagiti nadakamat a lawas ket addan ti mapilan da ti maiyannatop a kaso.
Plano na nga ileppas iti uneg ti agingga iti uppat a lawas gapu ta addan ti nalawag nga ebidensiya da.
Immunan a pinatuludan ti subpoena ti National Bureau of Investigation ti pito a opisyal ti Philippine Southeast Asian Games Organizing Committee (Phisgoc).
Karaman ditoy da Ramon “Tats” Suzara ti chairman ti Philippine Southeast Asian Games Organizing Committee, Dexter Estacio- PHISGOC chief financial officer ken John Lester Buenconsejo ti corporate secretary.
Agpapada nga abogado laeng dagiti dati nga opisyal ti Philippine Southeast Asian Games Organizing Committee ti nagatendar iti imbestigasyon ti National Bureau of Investigation.
Immunan nga inbatad ni Matibag a nakaawat ti Philippine Southeast Asian Games Organizing Committee iti agarop P6.7-B manipod iti pondo ti gobyerno aglalo iti Philippine Sports Commission (PSC), Philippine Olympic Committee at Department of Budget and Management idi 2019 SEA Games.
Innayon na a no mairaman pay ti pondo a naawat ti Philippine Southeast Asian Games Organizing Committee manipod iti kadagiti pribado a sektor ket mabalin nga umabot ti nasurok a P10-B ti pakabuklan ti budget ti nasao a komite.
Mabalin da nga iparuk-atan ti subpoena ni Senador Allan Peter Cayetano a nangidaulo idi ti 2019 SEA Games no iraman dagiti dati nga opisyal ti komite iti panangkwestyunar da kadakuada.
