LAOAG CITY – Napagtalinaed ti National Capital Region (NCR) ti panagbalinda a champion iti kalepleppas a Palarong Pambansa 2024.
Iti final medal tally, nakaala ti National Capital Region ti 238 a medalya kadagiti amin a nakisalipanda nga events.
Dumanon iti 98 ditoy ket gold medals, 66 a silver ken 74 met ti bronze.
Kagiddan ti National Capital Region ti Region IV-A wenno Calabarzon nga addaan ti 57 golds, 41 silver ken 53 bronze.
Ti pakabuklan ti medalyada ket 161.
Kimmamat met ti Region VI wenno Western Visayas nga addaan ti 56 golds, 41 silver ken 41 bronze no sadino addaanda ti agdagup a 138 medalya.
Adda iti maikapat a puesto ti Davao Region ken maikalima met ti host region a Central Visayas.
Iti closing ceremony ket personal a nagatendar ni Vice President ken outgoing Education Sec. Sara Duterte ken nangipaay pay ti panagbitlana ken game a naki-selfie kadagiti sumagmamano nga adda iti venue.
