LAOAG CITY – Agsagsaganan ti National Commission of Senior Citizens (NCSC) iti pannakaipatungpal ti Republic Act 10868 wenno ad-adda a mabigbig kas Centenarians Act of 2016.
Mangrugi intono Enero 2025 ket makaammo ti komisyon iti pannakaipatungpal ti Centenarians Law, ti linteg a mangipaay ti umdas a benepisyo kadagiti nataengan.
Malaksid iti daan a Centenarians Law, idaulwan metten ti komisyon ti pannakaipatungpal iti Republic Act 11982 wenno ti Expanded Centenarians Law.
Iti babaen ti 2016 Centenarians Law, maipaayan dagiti senior citizen iti P100,000 cash no madanun da ti tawen a 100.
Kabayatanna, iti met babaen ti Expanded Centenarians Law, maikkan ti sag-P10,000 cash dagiti senior a nakadanunen iti tawen a 80, ken sabali pay a P10,000 no maabot ti tawen nga 85, 90, ken 95.
Inpasigurado ti ahensiya a naurnus ti transition iti pannakaipatungpal dagiti nasao a linteg nga agdama nga idadaulan ti Department of Social Welfare and Development (DSWD).
