LAOAG CITY – Kinumpirmaran ni Ilocos Norte Electric Cooperative (INEC) General Manager Felino Bing Agdigos nga adda ti mandar ti National Electrification Administration (NEA) a rumbeng nga adda ti maiyuswat nga eleksyon intono Enero para kadagiti director.
Segun kenni Agdigos, gapo iti daytoy ket agsurat da kenni Gov. Matthew Marcos Manotoc para iti daytoy nga addang.
Inbatad na nga amin a distrito ket masapol a mangiyuswat ti eleksyon ken ikarkarigatan da nga aaramiden dagiti nagduduma a banag para iti daytoy.
Kunana a saan laeng nga INEC ti napaayaban para iti pannakaiyuswat to ti eleksyon.
Innayon na pay nga awan met ti makita na nga epekto na ti direktiba iti maiyuswat to met a National and Local Elections.
