LAOAG CITY – Mangiyuswat ti necrological service dagiti empleyado ti lokal a gobyerno ti siudad ti Laoag iti balay da Vice Mayor Michael Fariñas intono bigat, hunyo 13.
Daytoy ti inbatad ni Mr. Bernie Rodillas, community affairs officer iti gobierno iti ciudad ti Laoag.
Kuna na a maiwayat ti panagnecro da iti oras ti alas singko ti malem, kalpasan iti maiwayat a misa.
Mainaig ti daytoy, inbatad ni Rodillas basar ti dimmanun kenkuana a report mainaig ti panagtabon ti bise mayor, possible nga ilabas da laeng daytoy iti City hall ken awan a pulos dagiti maiwayat a programa wenno aktibidad.
Kabayatanna, inpakaammo ni Mr. Monching Formantes, information officer iti gobierno iti ciudad ti Laoag a mangrugi ita nga aldaw ket adda ti shuttle van a pagluganan dagiti mayat a mapan mangkita ti bise mayor iti balay da iti Barangay Vira ditoy ciudad ti Laoag.
Maitabon ti bangkay ti bise mayor intono biernes, Hunyo 15 iti Maharlika Garden.
