LAOAG CITY – Saanen a kasapulan ti negative result ti antigen test dagiti mapan aglako iti merkado publiko iti ili ti San Nicolas nga aggapo iti sabali nga ili.
Daytoy ti inbatad ni Mr. Totsie Ilaga, ti Market Supervisor iti nasao nga ili.
Segun kenni Ilaga, daytoy ket sipud limmukay ti quarantine status ti probinsya.
Nupay kasta, kunana a dagiti aggapo iti sabali a probinsya ket masapol a mangipakita ti negatibo a resulta ti nasao a test kas maysa pay a requirement iti border control iti ili ti Badoc.
Inbatad na a masapol a kitaen da a nalaing dagitoy ken tapno saan da a maliwayan ti posible a pangrugyan ti pannakaiwaras ti virus iti merkado publiko.
Maiplagip nga idi adda iti babaen ti ECQ iti ili ti San Nicolas ket masapol ti panangipakita ti negatibo nga antigen test result iti siasinno man a sumrek iti merkado nga aggapo iti sabali nga ili.
