LAOAG CITY – Nawaya-wayaanen ti maysa a negosyante kalpasan a nakapagpiyansa ti 12 ribo a pisos iti ciudad ti Batac.
Daytoy ket kalpasan a naarestar babaen ti bileg ti warrant of arrest gapu iti panangisyu na ti talbog a tseke iti ciudad ti Batac.
Binigbig ni Police Lt. Col. Reynaldo Michael Isidro Em Agoncillo II, ti chief of police iti nasao a ciudad ti suspek a ni Mrs. Gina Tuliao y dela Cruz, agtawen ti 47, negosyante ken residente iti Barangay Ablan iti ciudad ti Batac.
Segun ken ni Agoncillo, ti suspek ket addaan ti restaurant ken tianggi iti nasao a ciudad.
