LAOAG CITY – Naarestar ti maysa a negosyante iti naisayangkat nga entrapment operation iti Barangay 21 ditoy ciudad ti Laoag.
Nabigbig daytoy a ni Alden Ramos Oloraza, agtawen ti 29, baro, negosyante ken residente met laeng iti nadakamat a barangay.
Immuna iti daytoy, adda ti nakasibilyan a maysa a pulis a nagpammarang a gumatang ti nakabote a gasolina, ken kabayatan ti pananglako ni Oloraza ket ditoyen nga inarestar dagiti otoridad.
Malaksid iti inlako ni Oloraza ket nakakumpiskar pay dagiti otoridad kadagiti ginalon a gasolina ken kwarta a 3,056 a pisos.
