LAOAG NEWS – Kinumpirmaran ni PCapt. Sheryl Guzman, hepe ti PNP-Burgos a balligi a naarestar ti maysa a negosyante iti naiyuswat nga anti-illegal drug buybust operation iti Brgy. Ablan iti nasao nga ili.
Kuna ni Guzman a ti subject ti operasyon ket agtawen ti 32, addaan ti live-in partner ken agtagikua ti maysa a car wash station iti nasao a barangay.
Inbatad na a nakumpiskar manipod iti ikot ti subject ti operasyon ti pito a sachet a maipagarup a shabu ken mapatta-patta nga agbalor ti 8,000 a pisos.
Inpakaamo na a ti suspek ket maysa street level individual a karaman iti listaan PDEA ken maitudtudo a supplier iti illegal a droga kadagiti immunan a natiliw a drug suspects ditoy probinsya.
Innayun ni Guzman a nasurok maysa a bolan a namonitor ti suspek sakbay a naiyuswat ti operasyon iti mismo a car wash station na.
