LAOAG CITY – Inyestorya ni Ms. Queen Manica iti li ti Solsona ken maysa a negosyante ti pannakaibayad kenkuana babaen iti maysa a customer ti peke a kwarta.
Segun ken ni Manica, naruay dagiti naggatang iti pwesto da idi kalman rason nga ado met dagiti kwarta a naawat da.
Nu pay kasta, inbatad na nga itay bigat ken nagturong ti ina na iti grocery store, dita a nakita iti pagbayadan a peke ti maysa a 1,000 peso bill a pinagbayad na.
Kuna na nga idi pinagkumpara da ti pudno a kwarta ken ti peke ket arig nga agpada ti langa dagitoy.
Nu pay kasta, inbatad na nga arig a play money ti peke a kwarta ken saan nga agpada ti texture daytoy iti pudno a kwarta.
Mainaig iti daytoy, inpakaammo ni Manica a saan a daytoy ti umuna a gundaway a nabiktima da iti peke a kwarta.
Immepela iti publiko a liklikan koma ti agaramid ti saan a nasayaat gapu ta dakkel a kantidad ti mapukaw kadagiti pada na a negosyante.
