LAOAG CITY – Saan a nakaliklik ni Mr. Rolando Ulit addaan ti umno a tawen, addaan ti asawa , maysa a negosyante ken residente iti Bgy. 2 Ablan iti ciudad ti Batac ti manamnama a maipaila a kaso kontra kenkuana.
Daytoy ket iti laksid a nag-negatibo ti naisayangkat a Search Operation iti mismo a pagtaengan na iti nasao a barangay.
Nupay kasta, nakakita dagiti pulis ti walo a bala ti para iti kalibre 22 a paltog, maysa nga holster ti paltog, iskopeta ken a M16 armalite rifle ngem aglatlatin ken kurangkurang ti partes na iti pagtaengan ti kabsat na iti Bgy. 5 Callaguip iti nasao met la a ciudad.
Kuna ni P/C/inps. Rodelio Santos, Hepe ti Pulisya, gapu kadagiti narekubre ket ipilaanda latta ti kaso a panagsalungasing ti RA 10591 wenno panagikot iti paltog ken bala nga awanan ti lisensiya.
Inlawlawag na nga adda ngamin naawat da a report mainaig iti pannakakitkita da nga adda paltog ni Ulit isu nga inaplikaran nda ti search warrant.
Immun-unan nga inbaga ni Ulit a saan nga agik-ikot ti paltog uray adda lisensiya na.
