LAOAG CITY – Balaligi ti insyangkat a search warrant operation ti PNP Prov’l Office iti pagtaengan ti mapagat-atapan a drug lord ti ciudad ti laoag a maysa a negosyante a ni Mr. Robert Saguisi iti Bgy. 7-B.
Segun ken ni P/C/Insp. Angelito de Juan, Chief Investigator ti Investigation Section ti PNP Prov’l Office, kas resulta ti nasao a search a ti subject ket paltog ken bala, narekubre da iti uneg ti pagtaengan ni Saguisi ti saggaysa a paltog ti caliver 40, caliber 45, caliber 9mm, caliber 22 long riffle ken AK 47 ken nagduduma a klase ti bala.
Nupay kasta, kuna ni Saguisi nga addaan amin ti lisensiya dagiti narekubre a paltog ken bala iti balay na.
Patien ni Saguisi nga apal da kenkuana daytoy gapu ta idi nangrugi a nagnegosyo ket sabalin ti panagkita da kenkuana.
Inbatad na nga utang amin dagiti makitkita ken ni saguisi nga umab-abot ti 40 a million a pisos.
Mainaig iti datoy, agsobsobra dagiti bala a naala iti serach operation iti pagtaengan Saguisi.
Daytoy ti inbatad ni de Juan Chief Investigator ti Investigation Section ti PNP Prov’l Office.
Segun ken ni De Juan, gapu iti nasao a rason ken mabalin a pilaan da ni Saguisi ti kaso a panaglabasing iti RA 10591 wenno panagikot kadagiti paltog ken bala nga awan ti lisensiya na.
Kuna na pay a dagiti paltog a naala ket maipadalan ti ballistic examination.
Awan met dagiti naala a droga iti pagtaengan ni Saguisi.
