LAOAG CITY – Balligi a natiliw ti maysa a negosyante gapo iti kaso a panaglabsing iti Tax Law.
Ti akusado ket agtawen ti 57, maysa a negosyante, naasawaan ken residente iti Brgy. 23 San Matias, Laoag City, Ilocos Norte.
Naarestar daytoy babaen ti bileg ti warrant of arrest nga inserbi dagiti kameng ti Philippine National Police iti ili ti Piddig.
Ti warrant of arrest ket inparuk-at ni Executive Judge Myra Shiela Nalupta iti Reginal Trial Court, First Jusicial Region, Branch 65 ditoy ciudad ti Laoag gapo iti kaso na a panaglabsing iti Sec. 255 ti National Internal Revenue Code of 1977.
Narekomendaran met daytoy a makapagpyansa ti 60 a ribo a pisos para iti temporaryo a pannakawaya-waya na.
