LAOAG CITY – Maisagsaganan ti maipila a reklamo kontra ti maysa a suspek kalpasan a natiliw babaen ti entrapment operation nga insayangkat dagiti kameng ti CIDG, INPPO, 1st PMFC, PNP Paoay ken DTI iti Brgy. 22 Nagbacalan iti ili ti Paoay.
Nabigbig ti suspek a ni Jacqueline Llagas y Luis, agtawen ti 36, naasawaan, negosyante ken residente iti nasao a barangay.
Natiliw ti suspek kalpasan a naglako ti alchohol nga awanan ti label ken umiso a dukomento.
Nakumpiskar pay dagiti otoridad ti 10 a gallon ti alchohol ken maysa a cellphone.
Naamuan nga agbalur iti 850 a pisos iti kada gallon ti alcohol ken nangingina ngem ti suggested retail price iti kada gallon.
Nasangulasing ni Llagas ti RA 7394 wenno Consumer Act of the Philippines.
