LAOAG CITY – Natiliw ti maysa nga akusado babaen ti bileg ti warrant of arrest nga inserbi dagiti kameng ti PNP San Nicolas ken iti 2nd Provincial Mobile Force Company iti mismo a pagtaengan na.
Nabigbig ti akusado a ni Nelson Abadilla y Palmea, agtawen ti 55, negosyante, tubo iti Brgy. Maura, Aparri, Cagayan ken agnanaed iti Brgy. 45 Tangid ditoy siudad ti Laoag.
Ti akusado ket nagsalungasing iti RA 6425 wenno “The Dangerous Drugs Act of 1972” ken awan ti nairekomendar a piyansa na.
Inparuk-at ni Hon. Philip Salvador, presiding judge iti RTC Branch 13, laoag City ken napetsaan iti Marso 24, 2003.
Nagtalinaed iti kustudyar ti PNP San Nicolas ti akusado sakbay a maipaima iti korte a naggapuan ti warrant of arrest.
