LAOAG CITY – Manamnama a marugyan iti kabiitan a panawen ti negosyo a panagaramid ti lungon iti ili ti Pagudpud.
Segun ken ni Mayor Rafael Benemerito iti nasao nga ili, nalpasen a dimmalan dagiti drug surrenderers ken religious groups iti panagsanay ti panagaramid ti lungon.
Kuna na a babaen ti tulong Technical Education and Skills Development Authority ket nabenepisyaran ti nasurok a 30 a drug surrenderees, ken dagiti grupo dagiti pastor, padi ken dadduma pay a miembro ti nasao a sektor.
Inpakaammo ti mayor a karaman pay koma dagiti senior citizens iti nasao a programa ngem saan da a kinayat gapu ta nataengan dan.
Mamati ti mayor a napintas daytoy nga oportunidad tapno adda ti pamastrekan dagiti umili ken addan ton ti steady a supply ti lungon ditoy probinsya.
