LAOAG CITY – Manamnama ti pannakaisayangkat ti Newly Elected Officials Performing Leadership for Uplifting Service wenno NEOPLUS training ditoy ciudad ti Laoag ita a bolan.
Daytoy ti inbatad ni Miss Chariz Garma, ti mangidadaulo iti Department of Interior and Local Government ditoy ciudad.
Inlawlawag ni Garma a gagem ti nasao nga addang ket tapno matulungan dagiti baro a naelektaran nga opisyal aglalo iti panagpuntar ti linteg ken pannakaiyimplementar daytoy.
Namnamaen ni Garma a makipartisipar amin a baro a naelektaran nga opisyal ditoy ciudad ti Laoag iti maiwayat a panagsanay.
