LAOAG CITY –Nagtitinnulong dagiti Nepal rescue team, Chinese ken Indian experts tapno maiwayat ti search and rescue operation para iti panagsarak kadagiti mapapati a sumagmamano nga indibidual a napupok iti uneg ti hydropower project tunnels kalpasan ti naladingit a flash floods idiay Nepal-Tibet border.
Ti nasao a flash floods ket rason ti pannakatay dagiti sumurok 900 nga indibidual ken agarup 5,000 pay a mapukpukaw.
Inbatad dagiti Nepali officials nga agarup kagudwa kadagiti agtratrabaho iti tunnel ti napupok iti uneg.
Segun iti Nepal disaster management, a 903 nga indibidual ti natay ken addaan 4,247 ti mapukpukaw pakairamanan ti 933 iti hydropower projects.
Agtultuloy ti panagsarak dagiti nasao nga opisial iti babaen ti pannakitinnulong dagiti sumagmamano pay a kabangibang a pagilian.
